تكاليف الأعراس

موضوع: تكاليف الأعراس 27/7/2009, 21:00

[size=24]

تكاليف الأعراس
بعد ما يلاقي العريس عروسه بطلوع الروح يقرر العريس أن يتجوز
مشان يكمل نص دينو ويا حرام مو عارف إنو لازم يكون قاعد على بنك فلوس
نبدا بفترة الخطبة : لازم كل ما يروح لبت خطيبتو ياخد ورد ( مشان الرومانسية )
وياخد طبق حلو ( مشان ما ينحكى بخيل ) وهدايا وشوكولاتة
وطلعات ومشاوير وإدفع ما إنت قاعد على بنك .
تانيا : البيت والعفش والموبيليا وغرفة النوم وبدهم صالون حرف L
وصوفايات نمط غير شكل ماعدا المطبخ والحمام والغسالة والبراد ......
تالتا : الذهب : بصير الأب بدو ألماس أو لو ما كان طماع بدو ذهب من داماس
أو لازوردي مشان يتفاخر فيه قدام الضيوف والمعازيم ويا حرام الشاب قرب يفلس .
رابعا : بتصير بمعظم الدول حفلات قبل العرس وهيي
سهرة الشباب و حنة العروس
وفي ناس بتعمل 4 أيام حفلات متواصلة وطبعا كلو عالعريس
.مسكيييييييييييييييييين
خامسا : حفلة العرس : هاي قصة طويلة يعني
فندق وبوفيه مفتوح وغدا وعشا أو صالة كبيره بتسع 500 شخص
وسيارة ليموزين أو كشف وفستان العروس وصالون
المكياج ( طبعا بدون كلام كلو عالعريس )
طبعا بكون يا حرام آخد سلفة
عالراتب وقرض ولامم شوية فلوس من إخوانو وولاد عمامو وصحابو وكلو رح يسدوا بالتقسيط
بعد العرس
بيخلص العرس والعريس مش طايق حالو عقد ما دفع فلوس وبصير يكره مرتو وأهلها كمان !!

بالنهاية هادا كلو تكاليف زائدة ؟؟ ومظاهر فارطة ؟؟؟
شو فيها لو كان العرس بسيط ؟؟؟
شو فيها لو ما كان في ذهب وحكي فاضي ؟؟؟
شو فيها لو ما كان في فندق وليموزين وسهرة وصالة؟؟؟؟
هادا الحكي كلو موجود بمجتمعنا بالريف والمدينة والمحافظة لللأسف
بدي ردودكم يا صبايا وشباب
....................

[/size]

موضوع: رد: تكاليف الأعراس 1/8/2009, 21:16

والله هالموضوع بده صفحات وسنوات نقاش حتى يكتمل بشكل واضح
ولكن مثل مابقولوا العز للرز والبرغل شنق حالوا
اللي معه مصاري وحابب يفرح ليش لا ولكن بطريقة اجتماعية لبقة
بس لو شاهدنا مايقام في الأعراس الجماعية يمكن أن نراجع أنفسنا قليلا
حول مسألة التكاليف والدفوعات اللي يمكن أن يستغنى عن قسم كبير منها
شكرا لكي عالموضوع
تحياتــــــي

موضوع: رد: تكاليف الأعراس 2/8/2009, 03:22

تحيّاتي
فعلا هالموضوع بدوا دهور وسنين للنقاش
وكلامك سليم مية بالمية وبشكرك على هالموضوع
وبحب قلك انوا انتي من الصبايا النادرين يللي مقتنعين بهالحكي
وبالاخر لايصح الا الصحيح وياريت كل الصبايا يقتنعوا بهالحكي
وبدي اسال سؤال : لماذا ازدادت الخطيفة في مجتمعنا؟؟؟؟؟؟؟؟
لان احد اسبابها الذي ذكر في هذا الموضوع
وبجدد شكري لكي يا عاشقة برشلونة على هذا الموضوع الثمين
وابارك لكي بفوز الاسود الكتلونيين على لوس انجلس جالاكسي
تقبلي تحيـــــــــــــــــــــــــــــــــــــــــــاتي

موضوع: رد: تكاليف الأعراس 2/8/2009, 09:10

هي قصة مشروع الزواج صارت مشروع العمر ويمكن أن يلخص بكلمتين "علينا وعليك"
يعني ماذا نعني بـ علينا وعليك بالمختصر المفيد علينا العروس وعليك الفلوس وتعال تنشوف مين بيربح بالمصروف.
العريس بيروح ليطلب يد العروس من عند أهلها حسب الأعراف والتقاليد فيكون شرط أهل العروس عليك أن تحضر أهلك وكبير القوم .
وبعد الموافقة بتبدأ فترة الذهاب لسوق الصاغة لشراء الذهب وأختيار ملابس ليلة الخطبة
أهل العروس بيقولوا علينا نختار لبنتنا وعليك وعلى أهلك الدفع وسجل ياحاسوب فواتير.
وحتى ليلية تلبيس الخواتم أهل العروس بيقولوا علينا الأختيار للصالة ومعظم أسماء المعازيم
وعليك وعلى أهلك تدبير أمر معازيمكم ومعازيمنا ولكن علينا أن نحضر وعليك المحاسبة.
وويبدأ التحضير ليوم الأكليل والفرح حتما بعد عدة ليالي دبكات وتعاليل ويبدأ أهل العروس يقولوا علينا وعلينا وعلينا ....وعليك وعليك وعليك .....
يعني أكثر من 100 مرة بتنذكر كلمة علينا و عليك وحتما أنا أختصرت كثير ولكن أهل العروس بقدموا فقط كلمات علينا
وأهل العريس لازم بكلمة عليك يقدموا مصاري ...الله يكون بعون العريس ويخلص الجميع من عادات وتقاليد يجب أن يختصر الكثير الكثير منها .
ولابد من وجود عامل مساعد في ذلك ويفضل أن تلعب الكنيسة هذا الدور حتى يتم مساعدة الجميع على إلغاء كلمتي علينا وعليك
وأن يتم الزواج بطرق بسيطة جدا يساهم فيها كلا الطرفين أهل العريس وأهل العروس والأقارب والأصدقاء .
شكر ياعاشقة برشلونة عالموضوع وتقبلي مروري على موضوعك.
تحياتي

_________________

موضوع: رد: تكاليف الأعراس 2/8/2009, 13:08

موضوع جميل ورائع يا عاشقة برشلونة أهنئكي عليه سلمت يداك
في زمننا هذا العرس لا شئ يعني فقط مظاهر وكبرت النفس يعني منفخة مثل ما قال الخال سالم وأدمن وريد
ومن المتضرر والخسران هما العرسان لماذا ! لان أهل العريس والعريس سوف يلبون كل متطلبات أهل العروس لكي يرضون أهل العروس وهذا غلط وتكاليف على الفاضي
من سيكون الخسران في نهاية العورس أكيد هما العروسان
حتى ولو كان وضعه المادي جيد او ممتاز فهذا لا يمنع ان تكون متواضعة وعفيفة النفس كي تكبر بنظر عريسها وأهله وترفع رأس أهلها مدى العمر
ولكن للأسف لا احد يفكر بهذا التفكير
المصاريف والتكاليف والمظاهر الخارجية لا تجلب السعادة لا بل سوف يدفعون ثمنها بعد الزواج
أصبحت الصبايا في مجتمعنا وفي أي مكان تظن إذا نفذ العريس كل طلباتها هي وأهلها ستكون مميزة عن باقي الصبايا
يعني مثل ما قلتي يا عاشقة برشلونة التعاليل وبعدها السهرة ما عدا كم وكم من الطلبات من عفش ولباس
والذهب كل ما يلزم للعروس ويرضيها هي وأهلها وهذا اكبر حرام وغلط
يعني الله يعين العريس وأهل العريس مو طالع أي شئ بيدهن بمرقوا العرس على خير حتى ولو كان بالدين
ليش هيك عم يصير ما عم نعرف يمكن العريس بيخل يقول كلمة ما بدي او لاء وهذي غلط لازم يحكي ييعرف شو معو وشو عليه
بس في نقطة مهمة ما عم يعرفوا الصبايا قيمة من هو العريس يقولون عندنا يعني الضيع المجاورة لنا
عندما يذهب ويطلب العريس الفتاة لا يعرفون هذه الكلمة قبل أن يطلبون أي شئ من العريس
هي الكلمة فلان يعني إسم العريس وذهب يعني
الذهب والجاه هو العريس وليست شراء العريس او مشترات العروس
يا خسارة ماذا أقول لا أعرف هذا الموضوع مثل ما قال الخال سالم بدو صفحات وسنوات نقاش حتى يكتمل
Like a Star @ heaven

موضوع: رد: تكاليف الأعراس 9/8/2009, 10:47

أجابت وزيرة الخارجية الأمريكية خلال زيارتها لكينيا عن سؤال احد الصحفيين حول موقفها من طلب الكيني
جودون شيبكورجوي الزواج من ابنتها تشيلسي بالقول: "ان ابنتي حرة في خياراتها وسأنقل لها هذا العرض".
وقال الكيني جودون شيبكورجوي الذي طلب الزواج من تشيلسي ابنة بيل وهيلاري كلينتون عام 2000 انه مستعد
لتقديم 40 بقرة و20 رأسا من الماعز كمهر لآل كلينتون مقابل الموافقة على هذا العرض انه فرح
جدا لقبول وزيرة الخارجية الاميركية تجديد هذا العرض له.
وفي حال وافقت تشيلسي على هذا الزواج ستصبح الزوجة الثانية لشيبكورجوي البالغ من العمر 40 عاما
والذي تزوج للمرة الاولى بعد فترة وجيزة من عرضه الاول لتشيلسي.
وقال شيبكورجوي وهو رئيس بلدية ناكورو في كينيا ان زوجته تعلم بتجديد عرضه لابنة كلينتون ولم تعارض،
قبل ان يصرح انه "مسرور لقبول كلينتون بتجديد العرض وهي وعدت بنقله الى ابنتها"، خاتما انه "الآن في انتظار الجواب النهائي".
ويعتبر العرض الذي تقدم به شيبكورجوي اي 40 بقرة و20 رأس من الماعز عرضا سخيا جدا في كينيا.
...............

_________________

موضوع: رد: تكاليف الأعراس 11/8/2009, 18:53

شكرا لمساهمتكم معي بالموضوع ومنكم عرفت ان معظم الجيل الجديد من الشباب
بحب يتخلص من عادات قديمة ويطور أساليب الحياة بدء من الخطوبة وحتى الزواج
ومثل ماقلتم الموضوع يحتاج لسنوات عديدة من المناقشة
لكم جميعا أجمل تحياتي

موضوع: رد: تكاليف الأعراس 13/8/2009, 09:14

والله ياجماعة الموضوع شوي معقد وحساس لدرجة أنو يمكن الواحد حر التصرف بمصاريه
إذا كان غني وحابب يكرم علي زواج ولاده بس وقت اللي بكون الواحد غير قادر
على تسديد كل فواتير الزواج بيصير مشروع الزواج صعب ولازم ينوجد حل.
واليوم معظم الشباب والصبايا رافضين لمشروع زواج ملكف وان مارضيوا الاهل
صار درب الخطيفه أقصر شي وطالما الخوارنة عم بكللوا في حالات الخطيفه لازم هن يتدخلوا في اللحظات المناسبة قبل ماتقع الخطيفة.
وشكرا عالموضوع

موضوع: رد: تكاليف الأعراس 13/8/2009, 11:11

والله بهالزمان صاير كل شيء محير لا إن ماعملت عرس وطنة وفنة خالص من كلام الناس
ولا إن تكلفت وعبرت عن إخلاصك لمن حولك خالص أيضا من الناس.
ولكن حسب رأي يجب أن يتم كل شيء بالمعقول.
بس واحد فرضا بينزل ليساوي عرس بحط المبلغ الفلاني وبعدين بتبدأ القصص والروايات
حول ماصار بالعرس فلو سألنا العريس لازم تضب إيدك شوي بقول والله من زمان ماشفت
حبابي وأقاربي خليهن ينبسطو بجمعة هالعرس ..
بنرجع نقله طالما حابب تساعدهم وحالتك ميسرة بالغربة ليش مابتساعدهم بإقامة شي مشروع
يشتغل فيه كم واحد من الأقارب فما بيعطينا جواب !!
تقبلوا جوابي برحابة صدر
تحياتي

موضوع: رد: تكاليف الأعراس 30/8/2009, 21:18

شكرا الياس وشكرا جورج عالحوار
يعني فعلا بعض الامور والعادات اللي ماهي صحيحة بالمجتمع بتجبر الشب يروح خطيفة
وحتما وراء الخطيفة بيكون مليون سبب مو بس تكاليف الأعراس فالعروس اللي بتروح خطيفة حتما بتكون رضيانة بعرس بسيط ومو مكلف ..
بس الأهل مابيرضوا وعادات المجتمع بتكون اقسى من الاهل كمان .
صح يا الياس الناس مابترحم بكلامها في كل الحالات لابعرس مكلف ولا بعرس مو مكلف
و مثل ماقلت يعني اللي بكلف عرسه كذا مية الف ..ممكن يفرح الاقارب بشي مشروع مربح
أفضل من عرس مكلف وتحكي عليه الناس.
شكرا لكم
تحياتي