عند زيارتك الأولى للخطيبة

موضوع: عند زيارتك الأولى للخطيبة 14/8/2009, 21:16

عند زيارتك الأولى للخطيبة
بعد أن تتم الخطوبة بشكل رسمي وبعد يوم أو يومين بدك تروح على بيت خطيبتك في أول زيارة ربما بدكم تطلعوا سوى مشوار
أو معزومين لعند بيت صديق .فما هي أول هدية تحملها لها بيدك عند هذه الزيارة .حتما هناك أفكار وأساليب عديدة جدا لنوع الهدية ومن ثم لطريقة تقديمها ...
على سبيل المثال:
اشتري سلسة (عقد ذهب) بسيط وناعم عليه حرفك وحرفها أو حرفك واسمها مرفق معاه كلمة حلوة((فلانة حبيبتي, حياتي,شوقي
الخ)) وغلف الهدية باللون الأحمر وعطرها بعطر خفيف وحلو ومع الهدية كرت مكتوب علية كلمة حلوة مثلا ((اليوم عيدي)) بعد ذلك روح لخطيبتك
وبعد خمس دقائق من جلوسكم مع بعض قدم لها الهدية واطلب منها تفتحها قدامك بأسلوب حلو مثلا((حبيبتي ممكن اعرف رأيك بالهدية أن شاء الله تعجبك ))
خليها تفتحها قدامك وبعد ذلك قرب منها بهدوء ألمس يدها بلطف وخد منها الهدية وأنت تقولها ((حبيبتي ممكن أشوفها عليك)) حاول تزيد
جرعات الغزل من الكلام الحلو وأنت وهي واقفين وتلبسها العقد حاول تتلمس المنطقة الموجودة خلف الرقبة وما حولها
بأسلوب ناعم وخفيف أهمس في أذنها كلمات حلوة مثلا((يالله على جمالك , سبحان اللي خلقك , احبك وأموت فيك, اشتاق لك حتى وأنت معاي,ما ودي اسيبك ولا لحظة))
وكثف من الغزل ,أنت تلبسها العقد (حاول يكون أسلوبك بطيء كأنك مش عارف تلبسها ) حتى تعيش في أعماق حبك وتستسلم لروحك المحبة لها.
شو رأيكم نسمع أفكار أخرى ...
..............

والله الموضوع رومانسي وفيه توصيات كثيرة وكلام غزلي للمحبين.
ودعاية لمحلات الذهب ...بس الموضوع مشبوك ومترابط
أنا عمليا مع إهداء باقة ورد في كل زيارة ولا يكون سعرها غالي
بكفي ثلات وردات وحدة إلي والثانية للعروس والثالثة للحماة لما تزعل
تقبلي مروري
تحياتي

عدل سابقا من قبل Admin في 26/8/2009, 23:06 عدل 1 مرات

هي القصة فيها قليل من التحدي بعد الخطبة وعند الزيارة الأولى
هو صحيح أن العروس تستاهل كل شيء ، ولكن هل من الضروري عند الخطبة
أن يكون العريس جهز العروس بكامل الذهب اللازم لحفلة الزواج
يعني في معرسين بقولو خطبنا بتلبيس المحابس فقط وفي معرسين بقول أخذنا المباركة
وبكرا رايحين نشتري الذهب ونساوي حفلة الخطبة...
يعني ما أتفق عليه من ذهب كان قد أشتراه العريس ..فلا يوجد داعي للمزيد طالما أشرتوا ماتم الإتفاق عليه..
ويمكن أن يشتري العريس مايشاء بعد الزواج .
ولكن ليس غلط أن العريس يشتري قطعة ذهب ويقدمها للعروس عند أول زيارة بعد الخطبة
ولكن أنا مع فكرة تقديم باقة صغيرة من الورد في أول زيارة لكي يعرف العريس ردود أفعال أهل العروس على ما تم في الخطبة.
شكراً لكِ !

_________________

مشكورين عالتفاعل مع الموضوع ومنكم نسمع أراء متداخلة مع بعضها
يعني مو غلط الواحد يهدي قطعة ذهب في أول زيارة بعد الخطبة والورد كمان بيكون جميل أيضا ..
بس ما حكيتوا عالطريقة الرومانسية اللي بتم فيها تقديم الهدية. ولا هاي لها علاقة بأهل العروس كمان...
أنا بسمع ناس بتقول هو نلاقي العروس ونخطب ورح جبلا اللي بدها إياه في كل زيارة
ولكن على كل حال شكرا لمشاركتكم الموضوع
تحياتي

الموضوع نوع ما اجتماعي مفيد ..بس أنا خطيبتي مابتحب غير الحلويات
والورد الجوري يعني كل شي حلو بتحبوا فأنا بنظرها قطر كله عسل
لذلك مريحتني من الذهب بس يعني كم سلسله ناعمه من الفضة مابتقول لا
يسملو دياتك ياعشاقة البرشا

لكم كل الشكر على الأفكار الحلوة والله يعين هالعريس شو بيكتبوا عليه بالموقع
ولكن والله السؤال محرج شوي بس أنا بقول هذا يعود أولا للعروس ومن ثم للعريس
يعني هي يمكن أن يحن قلبها على العريس وتقدر الوضع المادي للعريس
ولكن ربما وردية جورية حمراء مع كم كلمة رومانسية أو شي قصيدة غزلية
يمكن بكفي وبوفي ويمكن أفضل من الذهب
تحياتــــي

تحياتي لكم جميعاَ ومثل ما قال الخال الله يعين العريس شو حاطين حطاه للعريس
برئي أنا أجمل شئ عند زيارة العريس وردة واحدة فقط ومن نوع الورد الجوري ولونها حمراء
أفضل من أي شيء تاني طبعاَ مع كلمة جميلة للعروس وهو يقدم لها الوردة
تحياتي لكم جميعاَ والله يعطيك العافية يا عاشقة برشلونة

اول شي بشكر عاشقة البرشا على الموضوع
وثاني شي بشكر كل من شاركها بها الموضوع
في مثل بيقول : أصابع ايدك مو مثل بعض...
يعني في عروس عندا قطعة دهب احلى هدية..
وفي عروس عندا وردة جورية احلى هدية
وفي عروس عندا دعوة على مطعم اجمل هدية
وفي عروس عندا كلمة ((بحبك )) عندا اياها بالدني كلها
وفي عروس وفي عروس وفي عروس الخـ.....
وفي عروس عندا العريس نفسوا هوّي احلى واروع واجمل هدية
والمهم مو الهدية المهم يبقى الحب بين بعضهن مبني على اساس قوي
مو على الهدايا
وانشاء الله منخطب ومنشوف عروستنا اي اصبع من هالاصابع
تقبلوا مروري وتحياتي الحارة

إن شاء الله بتخطب بشهر إيلول وبتخلينا نشوف العروس بجنبك
وأنتم عم تسمعوا فيروز شو بتقلكن على الورق الأصفر
وبعدين لاحق لتعرف عروسك أي اصبع الأصابع هي
لكن بما أنك مهتم بموضوع أول زيارة بعد الخطبة
هذا يعني في شيء بالأفق والله يسمعنا الأخبار الطيبة
عذرا لعاشقة البرشا بخروجنا عن الموضوع ولكنه يتعلق
بالعرايس والمعرسين وعقبال عند كل العزابية.
تحياتـــــي

loverose

_________________

شكرا ابو الدوم والله يسمع منك
حاليا مافي شي اذا ماصارت السنة انشاء الله السنة الجاي
وبحب قلك انوا
انا مهتم بالموضوع لانوا فعلا اول زيارة للخطيبة لها طبع خاص
يجب على كل عريس جديد ان يتمعن بهذا الموضوع ويدرسه جيدا
وانا بعتذر لعاشقة البرشا لخروجنا عن الموضوع ومثل ما قال ابو الدوم
الله يطعم كل العزابية ويزوروا عرسانهن
تقبلوا تحياتي