عمري مليون بلا أصفار

موضوع: عمري مليون بلا أصفار 27/12/2009, 10:57

ياليل اللي طول عليي كثير فجره
وسواده نسي أن بعده جاي نهار
قلبي بالأسى صاح وشق صدره
وعيني سالت منها الدموع أنهار
وحبيبي اللي غاب وطال هجره
تارك قلب مهموم ومكوي بالنار
حبك سحر وماظن يزول سحره
وسحر القلوب شو مخبي أسرار
حبك في القلب مهما طال عمره
وحبك ماينتهي مهما جرى وصار
وياغايب عن القلب لاتزيد قهره
الغربة لو طولت كالسيف الوتار
ناطر رجوع الحلو ع ظهر مهره
وناطر من غربته توصل الأخبار
كتبت له قصيد وصفت فيه شعره
وياطول القصيد حقل كلـه غمار
جف القلــم وخلص مداده وحبره
من كثر ما كتبت لحبيب قلبي البار
حتى من هوى عشقه شميت عطره
ومع ريح الهوى أرسل ألف تذكار
شربت كاس الـهوى محبة خمره
وياكاس الخمر شو مطول أعمار
ولما الفجر طل والورد بان زهره
سمعت محبوبي بيدق باب الـدار
اصحيت من حلـم سابق لعصره
وركضت بسرعة الفارس المغوار
ولمــا عانقته وضميت صدره
حسيت عمري مليون بلا أصفار
.......................

_________________