شرب المتة كعادة أجتماعية

موضوع: شرب المتة كعادة أجتماعية 20/1/2010, 09:55

من المعروف أن المتة جلبها معهم المهاجرون السوريون الأوائل في القرن التاسع عشر حين عادوا إلى بلدهم. ويمكن في نفس الفترة كان قد ظهر الشاي .
وتعتبر أمريكا الجنوبية الموطن الأصلي لها كما تعتبر الأرجنتين أكثر الدول تصديراً لها. وتزايَدَ وصولها إلى لبنان وسورية
مع بداية ستينيات القرن الماضي مع تزايد وصول المغتربين تلك البلاد، متعارف عليها باسم المتة واسمها العلمي ليكس بارغوارينسيس
والآن يعرفها الجميع في سورية، البعض تذوقها ولم تعجبه والبعض لم يفعل ذلك أبداً وقد اتخذ موقفاً سلبياً منها سلفاً، بينما هناك
من وقع في غرامها وصارت مشروبه المفضل والأساسي ...
وصارت متداوله أجتماعيا ..تفضلوا نشرب كاسة متة وتنوعت الكاسات والمصاصات والقولب التي تدار فيها جلسة شرب المتة ..
والبعض أدمن عليها والبعض أحيانا يتشوق إليها ...ومنهم من جربها وتركها...
يعني بالعربي الفصيح الناس أذواق وكذلك إدارة جلسة كأس المتة هي أيضا أذواق
يعني يمكن أن يشرب صديق مع مجموعة أصدقاء كاسة متة ويتبادلوا بعض الأحاديث
والقليل من الكلام مابين هرج ومرج حتى تكون الجلسة مشوقة .
والسؤال ماذا تعرفون عن المتة.. موطنها.. فوائدها.. مضارها.. !
وماهي أفضل العادات لشربها ...!
................
لا مانع من وضع بعض الصور لعده المتة أو لجلسة أجتماعية في شب المتة
تحياتي

_________________

موضوع: رد: شرب المتة كعادة أجتماعية 20/1/2010, 11:36

بصراحة تامة يعني أنا ماني من اللي بيشربو متة كثير ولكن بيصدف أنو
بيزورنا قرايبين من طرطوس وبعض مناطق ريف حماة بيشربوا متة وبفضلوها
عن الشاي والقهوة ...يمكن لأنو بتكون القعدة جماعية ..ويمكن لأنو بشرب المتة
بتأخذ وقت أطول على غيروها وسخنوا المي ومن هل القصص ..
وناس بدها مصاصة لحالها وناس جايبي مصاصتها معها ...
يعني بيصير شوية هرج ومرج وخاصة لو كانت الدنيا برد أو في شي شوية ثلج
وفي ناس بتقول بأنو المتة مفيدة للرمل والبحصة بالكلية ..
ولكن أنا بقول كل مشروب له فوائد وله مضار بما فيه القهوة والشاي.
............

انا ما بشرب كتييييير متي بس مشي حالي بمتايتين ثلاث بس احيانا بنحرج قدام رفقاتي بيشربو كتيير والف صحة وانا بسايرهن بس مو عن محبة للمتي هاي بالنسبة للضيعة
بس بالنسبة للطبقة الاحراج اكثر لان هون بيشربو كل واحد لحالو يعني متاي ورا الثانية وبما اني ما زيادة معها فالله يعيني
والف صحة للي عم يشرب هلق

كأنو ما جبتو سيرة الدخان مع المتاي مووووووووووووووو Crying or Very sad