عتابا ... وشرفو يا شباب/ بنات

أنا العتابا والميجانا شربتو بمهدي
قلبك اللي هديتو كان لقبلي مهدي
بالجبل والوادي رح بيكون مهدي
لحتى يكون مزار لأغلى الحباب

ياســــمرة لملمي طرافك وكفي
وامشـي الدرب مع ولفك وكفيه
وعلـــــــم عالصخر كفك وكفي
ومطرح مادعستي الصخر داب

[/b]

موضوع: جهلة الاربعين 5/5/2008, 23:06

ياريت ياريت بقدر للورا شد سنين

وإتعمشق بحبل الأبــــاة الصالحين

وأوقف أنا والدهر شبه مصارعين

والدم يجري..وتنفر عروق الجبين

حتى إنسأل إنسان عني وقال ميــن

يشوف العجايب عالشمال وعاليمين

بس المصيبة الدهر ماعندوا حنين

والعمر اسرع من ريـــاح البالغين

أول ربيع العمر....... كنا جاهلين

والاب ظالم.....لامصير ولامعين

لصرنا نجهل متل بــــــاقي البنين

تنعشق ونهوى عيـــــون مكحلين

لكن انا رغم الليــــــالي الحالكين

ضلييت اتشمس ع نور العاشقين

ومعليش لو ما جهلت جهلة كاملة

بكــرى بكمل جهلتي ع الاربعين

يا أسمر ليش قلبك علي لاحن ولاذاب
لحتى الصخر من دعستي انحل وذاب
بدرب محبتك ياما حملت هموم وعذاب
عذاب حملته لقلبي علـى طول المـدى

موضوع: بنات السمر 6/5/2008, 06:25

بنات السمر ويلي ما ألعنهن
ماعمرو القلب مرة مال عنهن
لبيع الروح وادفع مال عنهن
فداكي الروح يا أغلى الحباب

أنا جرحي من فحيلاوية لا هدي ولا كن
يا ريت الهــوى بينـا من الاول ما كـان
أنا جايكم على الفحيلة بجاهات ولو كـان
الجاهات عند أهلها أوصدت كل البواب

_________________

يا أسمر القلب والعين ما مالو عنك
مالك لـو بتدفعـو بخفف حكــم عنك
بنات السمر حكمهن رح بيزيد عنك
طالمــا أنت ظالم لقلـوب الحبـاب

حبابي الما يريدوني عمرهم
لجلهم قلبي وعيوني عمرهم
ليالي السود متعود ع مرهم
وطعم الحلو ماذقتوا بشراب

طلبت من الشباب ينقصو شوي عمرهم
قالو الشيب أكبر قدر لهم, قلت عمرهم
الحباب اللي مايريدوني بصدق عمرهم
وعمرهم ما يحسو طعم عسل الحبـاب

هات الشعر يا أسمر ورد هـات
العتـابا دروب مجنونة وردهـات
هات بيوت عتابا مليانة وردهات
تعلمك كيف بيكون الرد والجواب