كلام عشاق

موضوع: كلام عشاق 25/1/2008, 00:32

حبيتها، ووقفت عاجسر الهوى
من ساعتو جسر الهوى تحتي هوى
حبيتها، ويا ريتني ما عرفتها
ويا ريتني ما ربيت وياها سوا
***********
حبيتها، وكنا زغار جيران دار
نرقص نغني نفز ونراشق حجار
نزعل قوام، وقوام نرضى لحالنا
وع ضوء وجها نسهر ونتبادل هوى
***********
ولمن كبرنا حرمو علينا الحكي
والضحك عنا صار تفسيرو بكي
ولا في اذن تاتقول وانت شو بكي
ولا فم يحكي تايوصف لنا الدوا
***********
نوقف مقابيل بعضنا وقت الغنا
وبالرمز تفهمني وبفهمها انا
نحكي غرام عاقد ما بتقول قول
أنت القمر ومن بعدك مافي ضوا
************

_________________